can we help
+44(0)1983 296060
+1 757-788-8872
tell me moreJoin a rally

Menu

Sunrise - Tag 9 - 02.12.2013 - Nach Fahrt Richtung Grönland nun Kurs St.Lucia



Nachdäm mir geschter Namitag di ganz Ziit i Richtig Grönland gfaare sind,
also fast 360 Grad gäge Norde, hämmer üs wohl vum Ziil i dä Karibik
entfärnt, doch simmer us taktische Gründ schön im Norde blibe und händ äso
immer guete Wind gha. Sisch herrlich gsi so mit öppä 7 Chnöpf chönne z
´sägle. D´Sunne schön vu halb vorne simmer in en wunderbare Sunneuntergang
ie gfahre. Wie ä kitschigi Kulissä so mit verschide grosse Wolke über äm
Meer isch diä glüegi Chugle hinder em Horizont verschwunde. I dä Nacht isch
dä Sternehimmel gigantisch gsi. Ez käni s´Sternbild vum Stier, mim
Tierkreiszeiche. Dä Paul und dä Christof känned sich guet us i dä Sterne
und chönd mir einiges erkläre. Ä herrlichi Fahrt dur d´Nacht, verbunde mit
vill Gedanke a die Liebe dihei, speziell mini Frau, aber au a Vergangenes
und au Zuekunft. Mä hät schu vill Ziit sich Gedanke zmache, aber trotzdem
immer öppis ztue. Bi Schräglag abwäsche isch än grössere Chraftkt, bereits
sind Beckichnöche zimli schmerzempfindli vum ständige Aaschlaa a irgendeme
Möbel. Aber d´Stimmig isch guet a Bord. Nachdems bis geschter einigi Täg
heftig grägnet hät simmer ez däbii s´Schiff wider uf Vordermaa zbringe.
Langsam verschwindet die Ölzüg und Stifel wider troche in dä Chäschte. D
´Chuchi isch putzt, sogar ds Spüelbeki hani uusgribe. Kollegä mached s WC
suber und alles isch wider vill wohnlicher. Das herrlichä Wätter
ermöglichet au än Tuschi ufem Deck mit Salzwasser mit aschlüssendem Spüele
mit eim Liter Süesswasser. Äs Suppergfühl! Und ez hämmer au no gwändet und
faared diräkt uf St. Lucia zue. Sisch alles prima und klappet sehr guet.
Ganz liebi Grüess a alli! Ernst

Der aus der Schweiz stammende Ernst erlaubte sich den Blogg in
Schweizerdeutsch zu verfassen. Vielen Dank fürs Verständnis und viel Spass
beim Entschlüsseln. Für Fragen immer doch gerne. Zusammengefasst: Indem wir
nach Norden segelten, erlebten wir einen wunderbaren Sonnenuntergang wie
aus dem Bilderbuch. In der Nacht zeigten mir Paul und Christof mein
Tierkreiszeichen. Herrliches Segeln in der Nacht. Heute: Schiff auf
Vordermann bringen, Duschen an Deck und Ölzeug versorgen. Kurs geändert
direkt Richtung Ziel. Die Stimmung ist prima und allen geht es gut.

Grüße von Ernst und der Sunrise-Crew

Previous | Next